Iniciuesi i interpelancës për demarkacionin me Malin e Zi, lideri i AAK-së, Ramush Haradinaj ka ritheksuar se çështja me kufirin me Malin e Zi është çështje e cila mund të sjellë telashe të madhja në të ardhmen.
Ai duke folur për demarkacionin me Malin e Zi, ka tërhequr paralele me incidentin e fundit në Kumanovë duke shtuar se Malit të Zi nuk i duhet një “Kumanovë e re”. Më tej Haradinaj iu është drejtuar deputetëve se a shohin ata ndonjë mundësi për të kthyer vijën kufitare sikurse ka qenë në të ’74-ën? Ai më pas ka thekuar se një numër i madh i njerëzve janë të shqetësuar për këtë çështje. Po ashtu ai ka kërkuar shkarkimin e kryetarit të Komisionit për Demarkacion të Kufirit me Malin e Zi, Murat Mehen. Haradinaj ka thënë se duhet biseduar edhe me Gjukanoviqin sepse nuk i duhen asgjë bjeshkët atij.
Gjatë seancës së sotme, kreu i AAK-së dhe deputeti deputeti i AAK-së Ramush Haradinaj duke e paraqitur mocionin e interpelancës për zëvendëskryeministrin Hashim Thaçi, tha se kjo gjë nuk ka të bëjë asgjë për vota, siç është thënë nga qeveritarët.
Haradinaj tha se Kosova dhe Mali i Zi i kanë pasur kufijtë e vet të demarkuar në kohën e Jugosllavisë dhe kanë qenë të shënuar.
“Problemi mund të ketë ndodhë nga Marrëveshja e Kumanovës. Korrigjimi i këtij gabimi është i nevojshëm…Nëse Qeveria është e pafuqishme ndaj marrëveshjes së Kumanovës, kanë mundësi të adresojnë me NATO-në”, theksoi Haradinaj.
Më tej ai shtoi se ata nuk po i kërkojnë qeverisë së vendit asgjë tjetër, veç ta kthejë në vend të vet vijën kufitare.
Po ashtu Haradinaj iu drejtua PDK-së duke iu thënë se kanë udhëhequr me Qeverinë prej vitit 2008 dhe nuk e kanë korrigjuar këtë pjesë, prandaj ta bëjnë tani. /tesheshi.com/
