Deputetja britanike Alicia Kearns u ka bërë thirrje SHBA dhe BE që të mos kritikojnë vetëm Kosovën, por të meren dhe me grupet e armatosura serbe që lanë të plagosur 30 ushtarë të KFOR-it.
Gjatë debatit në parlamentin britanik, Kearns bëri thirrje që kriza në Veri të adresohet dhe kërkoi përgjigje nga qeveria britanike për presionin që po i bëhet Kosovës nga aleatët e saj.
Alicia Kearns tha se diplomacia paralandaluese ka dështuar, pasi ndaj Beogradit nuk po meren masa.
“Çfarë kundërmasash po merren ndaj Beogradit? Sepse në këtë moment, duket se diplomacia parandaluese ka dështuar. Si dallon diplomacia jonë nga ajo e SHBA-së dhe BE-së? Sepse jemi shumë të qetë në atë që po ndodh tani”, u shpreh Kearns.
Deputetja shtoi se dhuna në Veri të Kosovës ishte e orkestruar nga “milicia e financuar nga Beogradi” dhe qytetarët kosovarë kërcënohen nga kriminelët serbë.
“Po të ndaloheshin kryetarët tanë të punonin nga zyrat e të detyroheshin të punonin në shtëpi, do të thoshim është goditje e rëndë ndaj demokracisë.
Pati dhunë të orkestruar në veri nga milicia e financiar nga Beogradi, dhunë kundër KFOR-it, Policisë, hodhën koktej molotovi, gjuajtën me armë, dogjën vetura.
Po dështohet vendosja e masave ndaj Beogradit, ndërsa ka treguar se si qytetarët në veri kërcënohen nga grupet kriminale”, tha Alicia Kearns.
Kështu, ky zë femëror nga Britania e Madhe destrukton linjën diplomatike perëndimore që sheh faj te Kosovës e jo Serbia për atë që ndodh në veriun kosovar. /tesheshi.com/
