Kafja është një nga përbërësit që nuk mungon thuajse asnjëherë në përditshmërinë e të gjithë njerëzve, por përveç se për të nisur ditën me një shije të mirë, a e dinit se këtë produkt mund ta përdorni edhe në mënyra të tjera të ndryshme? Ja disa përdorime të kafes.
Kokrrat e kafes mund të përdoren për të luftuar celulitin. Bashkojini ato në një lugë bashkë me shampon kur laheni dhe me ujë të ngrohtë aplikojeni në pjesët që keni celulit. Bëjeni këtë gjë për 15 minuta dhe më pas shpërlajeni.
Nëse gatuani shpesh mund të ndodhë që duart të marrin erën e ushqimit sipër shembull të peshkut apo të qepës. Për të eliminuar aromën e keqe mund të vendosni pak kafe pluhur (të bluar) mes duarve dhe ti lani ato me ujë të ftohtë.
Kafja është edhe një produkt shumë i shëndetshëm për flokët. Nëse arrini të krijoni një përzierje me kafe të lëngshme dhe ujë dhe të lani flokët, do të mundësoni që ato të jenë më të shndritshëm dhe të duken përherë vital.
Një tjetër trajtim bukurie me bazë kafen, gjithmonë për flokët, është ai i luftimit të zbokthit. Pas shampos përdorni kafen për të masazhuar rrënjën e flokëve duke mbuluar majat me një pjesë plastike. Lëreni kafen të veprojë për 15 minuta në flokë përpara se ta shpërlani me ujë.
Është një përbërës shumë i mirë për të krijuar një skrab të aftë për të hequr qelizat e vdekura. Bashkoni kafen pluhur me dy lugë vaj ulliri dhe masazhoni trupin e fytyrën. Falë veprimit të vajit, përveç se do të keni një lëkurë më të pastër, ajo do të jetë edhe më e butë.
Kafja kokërr mund të përdoret edhe për të eliminuar qeskat poshtë syrit. Bashkoni disa kokrra kafe me pak kos dhe limon. Lëreni përzierjen në frigorifer për 30 minuta dhe më pas aplikoni maskën në afërsi të syve, duke e lënë të veprojë për 15 minuta./tesheshi.com/
