Nuk do ketë më përmbytje. Kaq ka qenë e keqja më e madhe dhe më tej nuk pritet të ketë. Ky është njoftimi që vjen nga Instituti i Gjeoshkencës, në lidhje me atë që kaloi dhe atë që pritet të vjen ditët në vijim.
“Meqenëse Lumi Vjosa pritet të ulë ndjeshëm prurjet përgjatë ditës së sotme (e diel, dt.03.12.2017) dhe ditës së nesërme (e hënë, dt.04.12.2017) janë hequr paralajmërimet për vazhdimin e përmbytjes në qarqet Fier dhe Vlorë.
Nga llogaritjet e fundit hidrologjike të IGJEUM, rezulton se, në pjesën fushore të këtij lumi do të ulet ndjeshëm rreziku nga përmbytja. Përgjatë mbrëmjes së sotme (e diel, dt.03) lumi Vjosa do të kthehet në shtratin e vet natyral.
Për pjesën tjetër të territorit nuk parashikohet rrezik i shtuar nga përmbytjet e lumenjve.
Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve”, thuhet pra në njoftimin e Institutit të Gjeoshkencës shqiptare. /tesheshi.com/
