Një herë e një kohë spikatës me rolet e tij të jashtëzakonshme, aktori i famshëm francez i zë tashmë faqet e shtypit me të pabërat e tij.
Me nënshtetësi ruse që nga janari i viti 2013, Gerard Depardieu nuk e ka mohuar asnjëherë dashurinë për Rusinë, e po ashtu dhe miqësinë me presidenti Putin. I pamjaftuar me kaq, Depardieu ka shkuar më tej, duke u përfshirë me deklaratat e tij cenuese në konfliktin aktual mes Rusisë dhe Ukrainës. E njohur është një thënie e tij e vitit të shkuar, që e mohon madje ekzistencën e Ukrainës si entitet më vete, “Unë e dua Rusinë dhe Ukrainën, e cila është pjesë e Rusisë.”
E tërë kjo ka ngjallur zemërim në Kiev, duke sjellë dhe një reagim të fortë zyrtar të shtetarëve ukrainas. Shërbimi i Sigurisë Kombëtare të Ukrainës ka lajmëruar se e ka shpallur aktorin francez person të padëshiruar për një afat kohor pesëvjeçar.
Vendimi u paralajmërua në fillim të këtij muaji, kur Ministria e Kulturës i njohu Gerard Depardieu-n dhe figura të tjera të kinematografisë botërore, të renditur në krah të Rusisë, si kërcënim për sigurinë kombëtare, filmat e të cilëve duheshin ndaluar.
Së bashku me francezin janë në këtë listë të personave të padëshiruar edhe regjisori serb Emir Kusturica, ai i Hollivudit, Oliver Stone, si dhe aktori Steven Seagal.
Të gjithë këta janë të njohur për qëndrimin e tyre prorus në përplasjen mes Rusisë dhe Ukrainës për Krimenë. /tesheshi.com/
