Gazeta proserbe e Malit të Zi “Dan”, e cila ndër të tjera botohet edhe në alfabetin cirilik, ka dalë sot me një artikull ku ka folur për një aferë korruptive ndër shqiptarë.
“Dan” thekson se në komunën e Ulqinit janë blerë votat duke dhënë në këmvim material ndërtimi për të ndërtuar shtëpi.
Ka qenë shumë e rëndë akuza që i është drejtuar kryetarit të Komunës së Ulqinit, Fatmir Gjeka.
Shkrimi akuzon Gjekën për keqpërdorim të parave të Komunës për blerje votash para zgjedhjeve në vitet 2009-s dhe 2010-s.
Sipas “Dan”, aktivistët e UDSH-s, në kohën kur Gjeka ishte sekretar për financa, kanë marrë material ndërtimor nga kompania “Gradja Comerce” dhe e kanë shpërndarë në këmbim të votave.
Bëhet fjalë për 150 fatura të lëshuara nga kjo kompani, me vlerë 2000-3000 euro secila, duke arritur në shifra skandaloze prej afër gjysëm milioni.
“Dan” ka sulmuar edhe 15 persona të tjerë përveç kreut të komunës Ulqin.
Një akuzë që sipas të gjitha gjasave ka marrë spunto nga shqiptyarët që marrin e japin me njëri-tjetrin duke përdorur mjetet e malazezëve, e aq më keq të serbo-malazezëve.
Zgjedhjet në Mal të Zi janë fare afër dhe do të shikohet këtë vit se me kë do të bëjnë koalicion partitë shqiptare./tesheshi.com/
