Pak javë pas ngjarjeve në Paris dhe në San Bernardino është rikthyer makthi i atentateve në të gjithë botën.
Në kuadër të vitit të ri, një pjesë e madhe e policisë në vende të shumta të botës janë në gatishmëri. Nga Parisi në Romë, festa është blinduar pasi për shkak të kërcënimeve të terrorizmit, kryetari i bashkisë së Brukselit, Yvan Mayeur ka vendosur të anulojë hedhjen e fishekzjarrëve në shesh.
Edhe përtej oqeanit flitet për rreziqe të këtij lloji. Rrjeti televiziv CNN ka rrëfyer ekzistencën e kërcënimeve të sulmeve xhihadiste në tre qytete amerikane: New York, Los Angeles e Washington.
FBI është në hetim e sipër dhe në të njëjtën kohë kanë përforcuar rojet e presidentit të Shteteve të Bashkuara, Barack Obama, i cili aktualisht ndodhet me pushime në Hawaii.
Duke u kthyer në Europë, e në veçanti në Itali, në Romë ka nisur plani i sigurisë për Vitin e Ri. Mbi 2 mijë agjentë do të dalin në shesh vetëm natën e ndërrimit të viteve, ku janë parashikuar koncerte edhe në periferi të kryeqytetit. Vendimi është marrë ditën e djeshme gjatë një mbledhje në Prefekturë, ku janë parashikuar linjat për planin e sigurisë./tesheshi.com/
