Freedom House: Kosova me regjim gjysmë-autoritar

Freedom House ka publikuar raportin për vitin 2014 për “Vendet në Tranzicion”, ku në këtë raport thuhet se demokracia në vendet e Ballkanit vazhdon të jetë e brishtë dhe në disa raste ka pësuar rënie.
Në këtë raport Kosova bën pjesë në kategorinë e vendeve me regjime gjysmë-autoritare, së bashku me Armeninë dhe Kirgzinë. Asnjë nga vendet tjera të Ballkanit nuk është në këtë kategori.
Ndërsa Shqipëria dhe Maqedonia vazhdojnë të jenë pjesë e grupit të vendeve me regjim tranzicional dhe hibrid, ku bëjnë pjesë edhe Bosnja e Hercegovina, Gjeorgjia, Moldavia dhe Ukraina. Maqedonia u radhit vitin e kaluar në këtë kategori.
Në kategorinë e vendeve me demokraci gjysmë të konsoliduar, një vlerësim më i lartë se sa ai i regjimeve hibride, këtë vit bëjnë pjesë Serbia dhe Mali i Zi, por edhe vende të Bashkimit Evropian, si Bullgaria, Kroacia, Hungaria dhe Rumania. /tesheshi.com/