FOTO/Ndodh edhe kështu: Demi zë superstradën, bllokohet trafiku 2 orë rresht

Ngjarje nga më të ndryshmet ndodhin gjatë periudhës së verës, por ato më problematiket janë kur ngel për orë të tëra i bllokuar në trafik.  Kjo është pikërisht ajo që ka ndodhur në superstradën E45 në pjesën veriore të Perugias në Itali.

Një dem ka bllokuar për rreth dy orë të mira superstradën  dhe një kaos i vërtetë është krijuar rreth orës 6:30 të mëngjesit të së martës. Demi ka dalë nga fugoni me të cilin po transportohej dhe çdo gjë ka dalë jashtë kontrollit.

Në vendngjarje ka mbërritur policia rrugore, e cila është munduar të normalizojë trafikun duke nxjerrë kafshën nga rruga. Vetëm në orën 8:15 gjithçka u kthye në normalitet, pas hipjes së demit në mjetin e transportit./tesheshi.com/