PANAMA CITY – Bie muri i armiqësisë pesëdekadëshe ndërmjet Shteteve të Bashkuara dhe Kubës. Pas një konflikti dhe bllokade të gjatë, tashmë janë shkrirë akujt e bashkëpunimit dhe ka ndodhur ajo që nuk imagjinohej; shtrëngimi i duarve ndërmjet një Presidenti të SHBA dhe liderit komunist të Kubës, edhe pse nuk është Fideli i dergjur në shtrat, por vëllai i tij Raul Kastro.
Takimi Obama-Raul Kastro ka ndodhur në Panama City ku mbahet samiti i liderëve të Organizatë së Shteteve të Amerikës(kontinentit “OSA”).
Takimi është konsideruar si një etapë e afrimit ndërmjet Uashingtonit dhe Havanës që ka nisur prej dhjetorit të vitit të shkuar.
Pas takimit pritet që Obama të heqë Kubën nga lista e shteteve që mbështesin terrorizmin dhe do të hapen ambasadat në dy kryeqytetet respective. Pas kësaj pritet edhe heqja e bllokadës ekonomike dhe nisja e investimeve amerikane.
Kuba është një prodhues i njohur i kallamsheqerit, prej nga ku prodhohet jo vetëm sheqeri ushqimor por edhe ethaoli që është lëndë djegëse që po përdoret gjerësisht. Kuba shikohet nga mjaft operatorë turistikë amerikanë si mundësi për të kthyer kohën e pasurimit të shpejtë nëpërmjet mundësive të ishullit të Karaibeve, siç ka qenë në kohën përpara Kastros.
/tesheshi.com/
