“Përshëndetje! Quhem Sergio, jam 5 muajsh dhe ky është udhëtimi im i parë me avion”. Kështu nis një letër e cila i është dorëzuar nga dy prindërit pasagjerëve të një udhëtimi me avion nga Brindisi të Italisë në Orio al Serio.
Prindërit e të voglit, të vetëdijshëm që fëmija do të qante gjatë udhëtimit dhe do të kishte teka të shumta, u kanë kërkuar ndjesë paraprakisht pasagjerëve të cilët kanë qenë pranë tyre.
“Shpresoj të më falni nëse do të kem disa teka, por për mua është një eksperiencë e re. Që ju të më falni, po ju dhuroj këto karamele. Faleminderit! Sergio”- shkruhet në letër.
Selvaggia Lucarelli ka shpërndarë një fotografi të karameleve dhe të letrës në profilin e saj në Facebook. Mesazhi i ëmbël dhe delikat është shpërndarë rreth 1 mijë herë dhe ka marrë mbi 25 mijë pëlqime në internet./tesheshi.com/
