Princi Philip, burri i Mbretëreshës Elizabeth II, ka vdekur në moshën 99 vjeç, tha Pallati Buckingham.
“Madhështia e saj Mbretëresha shpall me trishtim të thellë vdekjen e burrit të saj të dashur, Lartmadhërisë së Tij Mbretërore Princit Phillip, Dukës së Edinburgut”, thuhej në deklaratë.
Ai shton se princi vdiq këtë mëngjes në Kalanë e Windsor.
Phillip u martua me Elizabetën në 1947, pesë vjet para se të bëhej mbretëreshë.
Duka i Edinburgut ishte me gruan e tij gjatë mbretërimit të saj 69-vjeçar, më e gjata në historinë britanike.
“Gjatë gjithë këtyre viteve ai ka qenë thjesht forca ime”, tha Mbretëresha në një fjalim kushtuar 50-vjetorit të martesës, në 1997.
Phillip dhe Elizabeth kanë katër fëmijë, tetë nipër e mbesa dhe dhjetë stërnipa.
Dalja e fundit publike e princit ishte korrikun e kaluar në një ceremoni ushtarake në Windsor Castle, pallati mbretëror ku ai dhe anëtarët e tjerë të familjes mbretërore qëndruan gjatë pandemisë.
Kryeministri britanik Boris Johnson i shprehu ngushëllimet familjes mbretërore në një fjalim televiziv dhe tha se princi do të mbahet mend mbi të gjitha për “mbështetjen e tij të patundur për Madhështinë e saj Mbretëreshën”. /tesheshi.com/
