Real Madrid dhe Barcelona, bigët jo vetëm të futbollit spanjoll, por dhe të atij europian e botëror, tashmë kanë mësuar orarin e ballafaqimit të betejës së parë për këtë edicion. Federata Spanjolle e Futbollit ka njoftuar se klasikja e parë për këtë sezon do të zhvillohet më 21 nëntor, në ora 18:30.
Fillimisht ishte caktuar ora 20:00 që të zhvillohej ndeshja, por më pas ndryshoi gjithçka. Edhe në të kaluarën ka patur ndryshime të çuditshme në kohën e zhvillimit të ndeshjes së El Clasico-s, për shkak të drejtave televizive të kompanive në kontinentet tjera të botës. /tesheshi.com/
