Vezët e Vetëvendosjes nuk po kanë të ndalur. Ato janë lëshuar ndaj të gjithëve atyre që lëvizja e njohur opozitare i sheh si dëmsjellës ndaj Kosovës, sipas perceptimit të tyre politik. Pas Isa Mustafës e Petrit Selimit, rradhën për të shijuar masën viskoze, të bardhën e të kuqen e vezës që t`i derdhet mbi trup, e ka patur z/ministri i Pushtetit Lokal, Bajram Gecaj.
Ai ishte duke pirë kafe në çastin kur disa aktivistë të Vetëvendosjes e kanë gjuajtur me vezë.
Në faqen zyrtare në Facebook, VV-ja e ka shpërndarë dhe momentin e atentatit politik me prodhimin bazë të pulës.
“Para pak çastesh, aktvisitët gjuajtën me vezë Bajram Gecajn, Zëvendësministër i Pushtetit Lokal. Dhunës dhe brutaliteti policor ndaj aktivistëve nëpër stacionet policore, nuk do të na ndalë në asnjë moment. Do t’ua bëjmë jetën të parehatshme, politikanëve të zhytur në luks, që po e shkatërrojnë shtetin dhe shoqërinë tonë,” thuhet në njoftimin e VV-së./tesheshi.com/
https://www.facebook.com/vetevendosje/videos/10153017040287000/
