Qindra balena janë hequr nga pjesa e plazhit në Zelandën e Re, pasi kanë ngordhur dhe janë gjetur të shtrira tërësisht pa jetë. Organizata “Project Jonah”, e cila mbron balenat, ka shkruar në Facebook se 75% e këtyre balenave kishin vdekur brenda natës.
“Jemi duke u munduar që të shpëtojmë sa më shumë balena”, – shkruan organizata, e cila bashkë me Departamentin e Ruajtjes ka kërkuar ndihmë edhe nga specialistët në pjesën e veriut, për të shpëtuar këto krijesa.
Një ekip me 30 veterinerë të specializuar për balenat ka shkuar në vendngjarje. Vullnetarë nga i gjithë shteti gjithashtu i janë drejtuar bregut që ndodhet në një largësi prej 90 kilometrash nga qyteti Nelsen.
Në shkurt të vitit 2015 rreth 200 balena dolën në breg në të njëjtën zonë në Zelandën e Re dhe në atë kohë rreth 60 prej tyre u shpëtuan me sukses./tesheshi.com/
