Vajza siriane Hiba, 7 vjeçe, e cila po trajtohet në Turqi nga djegiet e rënda të fytyrës dhe duarve si pasojë e bombardimit të aviacionit rus në shtëpinë e saj, pas tetë muajsh u takua përsëri me nënën dhe anëtarët e mbijetuar të familjes, që jetojnë në provincën siriane Idlib.
Sapo e ëma e Hibas doli nga autobusi në ndalesën në pjesën aziatike të Stambollit, Hiba vrapoi në krahët e saj.
Vajza u gëzua shumë edhe pas takimit me vëllanë e Faisal, 6 vjeç dhe motrën Merve 10 vjeçe, e cila po ashtu ka pësuar djegie të rënda në trup, kur avionët rus bombarduan shtëpinë e tyre më 12 shtator të vitit 2016. Ndërsa vëllai 5-vjeçar, Ahmed dhe motra e 3-vjeçare Aisha vdiqën gjatë sulmit.
Muhammad Mahzum, babai i vajzave thotë se ata ishin detyruar që të trajtojnë vajzën në Turqi, pasi në Siri nuk kishte kushte për një trajtim të tillë. Ai tregohet jashtëzakonisht mirënjohës për ndihmën e siguruar nga zyra e Presidentit turk, Rexhep Erdogan dhe donatorët e tjerë të shumtë. /tesheshi.com/
