Dita e sotme u është rezervuar një numri ndeshjesh miqësore në kuadër të përgatitjeve të përfaqësueseve europiane për Euro 2016-tën.
Mes shumë përballjeve të tilla është dhe ajo mes Shqipërisë dhe Katarit, e cila do të nisë në orën 17:30, e do të luhet në Hartberg.
Kjo është miqësorja e parë e kombëtares shqiptare përpara nisjes së turneut europian të futbollit. Ajo do të pasohet nga një përballje tjetër përgatitore, ndaj Ukrainës më 3 qershor.
Gjermania do të luajë ndaj Sllovakisë, një takim miqësor që nis në 17:45. Çerek ore më vonë, në 18:00, do të bjerë bilbili për sfidën Spanjë – Bosnje-Hercegovinë.
Në radhë do të pasojnë katër miqësore të tjera, Rumani – Ukrainë, Turqi – Mali i Zi, Itali – Skoci dhe Portugali – Norvegji.
Të tilla ndeshje do të ketë gjatë gjithë javës në vijim. /tesheshi.com/
