Dronë të mbushur me gjak mund të shndërrohen shumë shpejt në një realitet, të paktën sa i takon transportimit të sasive të lëngut jetësor në qendra që janë të vështira për t’u arritur me mjete të tjera transporti. Një studim i fundit nga spitali John Hopkins dhe Universiteti Makarere në Uganda po bën të mundur që dronët të përdoren për transportimin e mostrave të gjakut.
Mjekët thonë se kjo është një metodë e mirë për t’u ardhur në ndihmë komuniteteve të izoluara, mirëpo kishin merakun se goditjet dhe lëvizjet gjatë fluturimit me dronë mund të ndikonin në cilësinë e gjakut që transportohej. Ky merak është hequr pas eksperimenteve që rezultuan se gjaku nuk ndikohej nga transporti.
Për studimin u përdorën 56 mostra nga njerëz të ndryshëm të ndarë në dy grupe. Pas transportimit me dronë të mostrave të njërit grup, të gjitha u dërguan në spital për të kryer testet e zakonshme të gjakut dhe rezultatet u krahasuan me ato që nuk e kishin kryer fluturimin.
Kërkuesit dëshirojnë t’i përdorin dronët edhe për të dërguar mjekime në zonat rurale, ku nuk shkohet dot me makinë apo në këmbë. /tesheshi.com/
