Policia italiane ka arritur në sigurojë një letër të trafikantëve të drogës, pas bllokimit të një ngarkese me 1.9 ton që ishte nisur nga Shqipëria.
Mediat italiane shkruajnë se në letrën, që ndodhet në duart e hetuesve italianë, jepen të dhëna mbi kontaktet apo edhe llogaritë që trafikantët bëjnë për ngarkesat që nisen nga Shqipëria me destinacion Brindisin. Në letër jepen garancitë e marrjes në pyetje, shumat e trafikut, kostot e riparimit të një makine, etj.
Letra vlerësohet si një informacion më shumë në duart e policisë për të luftuar trafikun e drogës që bëhet përmes Adriatikut.
Letra u sigurua pas arrestimeve të kryera 7 muaj më parë ku dy trafikantë u kapën në bordin e një gomoneje me 1.9 ton drogë marijuanë e ndarë në 84 çanta. /tesheshi.com/
