Djali i futbollistit legjendar brazilian Ronaldinho, 17-vjeçari Joao Mendes, ka nënshkruar kontratë me gjigantin spanjoll Barcelona, ku do të luajë për ekipin e tyre të të rinjve.
Pasi ai pati një provë për klubin katalanas në prill, Barcelona vendosi t’i ofrojë një kontratë të riut Joao Mendes. Nuk dihen ende detajet e kontratës, por pritet që ai të debutojë këtë sezon për skuadrën e re, e cila garon në ligën e tretë spanjolle. Para nënshkrimit për Barcelonën, sulmuesi i ri luante për Cruzeiro në Brazil, me të cilin futbollisti e ndërpreu kontratën vitin e kaluar.
Kështu ndoqi Joao Mendes në gjurmët e babait të tij, Ronaldinhos, i cili luajti për Barcelonën nga viti 2003 deri në vitin 2008. Gjatë karrierës së tij në Barcelonë, Ronaldinho fitoi dy La Liga dhe Ligën e Kampionëve, kur katalanasit mposhtën Arsenalin në finalen e vitit 2006. Ronaldinho pati një performancë prej 70 golash dhe 38 asistime në 145 ndeshje të ligës për Barcelonën.
Pas Barcelonës, Ronaldinho luajti edhe për Milanin, Flamengon, Atletico Mineiro, Queretaro dhe e mbylli karrierën në vitin 2015 te Fluminense. Ai fitoi Topin e Artë në 2005.
Ndonëse e ka një punë të vështirë përpara, Joeo Mendes do të bëjë më të mirën për të kaluar karrierën e babait te gjigantët spanjollë. /tesheshi.com/
