Pastrimi i shtëpisë shpesh herë është një nga punët më të vështira dhe të bezdisshme për shumë persona, por nëse doni të jetoni në një ambient të pastër dhe higjienik, dikush duhet ta pastrojë shtëpinë. Në veçanti, pastrimi i dritareve nuk jep shpesh rezultatet e duhura dhe afatgjata. Pluhuri dhe shiu i ndotin shumë shpejt dritaret dhe duhet që e gjithë puna të bëhet nga e para. Ekzistojnë disa metoda natyrale për ta bërë punën më të thjeshtë. Ja cilët janë disa marifete ekologjike që mund të përdorni për të pasur rezultate maksimale.
Përdorni uthullën – Uthulla e bardhë është përbërësi natyral dhe ideal për xhama që shkëlqejnë për një kohë të gjatë si dhe një zgjidhje e përsosur për të eliminuar aromën e keqe.
Eliminoni pluhurin – Gjëja e parë që bëhet kur pastrohen dritaret është pastrimi dhe eliminimi i pluhurit. Për këtë mund të përdorni një copë të butë apo një letër thithëse. Këshillohet të nisni pastrimin nga lartë-poshtë.
Lani xhamin në pjesën e brendshme fillimisht – Për të pasur rezultate më të mira është e nevojshme që të nisni pastrimin nga xhamat e brendshëm dhe më pas të vijoni me pjesën e jashtme. Mund të përdorni uthullën, të cilën, nëse është shumë e fortë, mund ta holloni me pak ujë.
Shpejtësia – Shpejtësia është çelësi i pastrimit të xhamave në mënyrën më të mirë të mundshme. Në këtë mënyrë evitoni krijimin e vijave në xham. Këshillohet të mos i pastroni xhamat kur ka shumë diell pasi ata thahen shpejtë dhe lënë shumë vija në sipërfaqe.
Thajini me kujdes – Tharja është e rëndësishme në procesin e larjes së xhamave. Ideja është që të përdorni një copë me mikrofibra./tesheshi.com/
