Janë vënë në prangat e kolegëve të tyre dy policë të doganës së Kakavijës me akuzën e marrjes së rryshfetit në këmbim të dhënies së vizave për disa shtetas, për të kaluar më pas në zonën Shengen. Ata janë Veziko Bejko dhe Ylli Hoxha.
Dy të sipërpërmendurit, kanë rënë “viktimë” e një kamere te fshehtë të emisionit të njohur, ku janë rregjistruar duke bërë pazar me disa shtetas, që në këmbim të vizave të përfitonin shuma parash prej tyre.
Në deklaratën e Ministrisë së Rendit falënderohet emisioni “Fiks Fare” për investigimin dhe pamjet e trasmetuara, duke e konsideruar këtë rast, bashkë me denoncimet e tjera të medias, një shembull mjaft të mirë të përpjekjes së përbashkët për të luftuar korrupsionin dhe abuzimin me detyrën nga zyrtarë dhe punonjës të policisë. /tesheshi.com/
