Atentatori i maratonës së Bostonit, Dzhokhar Tsarnaev është dënuar me vdekje. Dënimi është lexuar në sallën e gjykatës federale të Bostonit, në prani të Tsarnaev, pasi 12 gjyqtarët u mblodhën për 14 orën në dhomën e këshillit. Në shpërthimin e dy bombave pak metral larg vendit ku do të zhvillohej maratona, më 15 prill 2013, ndërruan jetë 3 persona dhe ngelën të plagosur mbi dy qind të tjerë.
Dënimi me vdekje do të ekzekutohet nëpërmjet një injeksioni. Në sallë ka pasur mjaft kërkesa për shpëtimin e jetës së të riut terrorist me origjinë çeçene, i cili në momentin e atentatit ishte vetëm 19 vjeç. Mes apeleve të shumta është edhe ai i prindërve të Martin Richard, një fëmije 8 vjeçar, i cili bashkë me dy persona të tjerë ndërruan jetë gjatë atentatit.
Dzhokhar Tsarnaev ishte i pranishëm në sallën ku u dha dënimi. Ai ka dëgjuar vendimin e gjykatësve pa ndonjë emocion të veçantë ndërsa, sipas rregullave, brenda pak ditësh do të kalojë në burgun Terre Haute në Indiana, ku edhe do të marrë dënimin me vdekje. /tesheshi.com/
