Ministri i Sigurisë Kombëtare i ekstremit të djathtë të Izraelit, Itamar Ben-Gvir, ka kritikuar vazhdimin e negociatave për një marrëveshje armëpushimi me Hamasin në Gaza, duke thënë se kjo do të ishte dorëzim.
Në një intervistë me Radio 103 FM, Ben-Gvir bëri thirrje për ngrirjen e dërgesave të ndihmave në Rripin e Gazës, diçka që aleatët e Izraelit kanë thënë vazhdimisht se do të kalonte vijën e kuqe dhe do t’i kushtonte Izraelit mbështetjen e tyre.
“Ne po e shtypim Hamasin. Pra, tani duhet të shkojmë në konferencë dhe të dorëzohemi? Ky është një gabim i madh i kryeministrit”, thotë ai.
Ai tha se ishte gabim të uleshit me Hamasin, i cili, siç tha, duke vijuar me një gënjeshtër të destruktuar dhe nga media prestigjoze ndërkombëtare, “përdhunoi foshnjat e vrarë dhe djegur, dhe ne do t’u dorëzohemi atyre?”.
Ben-Gvir përsëriti thirrjet e tij për t’i dhënë fund furnizimit me karburant dhe ndihmë për Gazën.
“Nëse do t’ua ndërpresim karburantin, brenda një jave ata do të gjunjëzoheshin. Dhe nëse ndalojmë kamionët (ndihmat), brenda dy javësh ata do të gjunjëzohen. Atëherë pse do të lidhim një marrëveshje?”, tha ai.
“Çfarë marrëzie, çfarë gabimi të tmerrshëm, një fatkeqësi e madhe. Mund të arrijmë një fitore të plotë”, theksoi Itamar Ben-Gvir.
Kujtojmë se politikanë si ky në Izrael janë ana më e errët e një shteti në ndyrë dhe gjenocidal. /tesheshi.com/
