Nën bindjen se ka ndërtuar apo po ndërton një Shqipëri vërtet të rilindur, kryeminstri do shkojë në Greqi pas pak ditësh, për një takim me emigrant shqiptare atje për të guxuar t’u thotë atë që atyre as që u shkon mendja: të kthehen!
Kjo është zbuluar nga deputeti Braçe, kritik ndaj qeverisjes së tij, gjithsesi.
“Thelbi i takimi të Ramës në Greqi nuk është Beleri por mesazhi për shqiptarët atje, Kthehuni! Më mirë këtu në shtëpinë e tyre e nuk kanë shpenzime sesa atje matanë. Ky turi është i rëndësishëm për të treguar Shqipërinë e re. Shqipëria që nderohet nga komuniteti ndërkombëtar, ndërsa Shqipëria ekonomike ka nevojë për ata njerëz. Sa të marrim njerëz nga vendet aziatike… thirrja në fillim duhet të shkojë për shqiptarët”, tha Braçe në një emision televiziv.
Siç dihet, pas Greqisë, Rama do e vijojë turin e tij dhe në Europë, pra për t’u ofertuar emigrantëve shqiptarë Shqipërinë “tjetër”.
Por nëse kjo do ishte e vërtetë, kthimi do ishte i vetëvetishëm, pa thirrje nga qeveria, siç ka ndodhur me një valë kthimesh në 2005-2006, si dhe në 2010-2012, pas krizës financiare në Greqi.
Gjithsesi duhet parë se ç’rezultat do ketë fushata e re e Ramës, Shqipëria e të cilit, për ironi dhe kundërfakt rilindjeje, ka pësuar tkurrjen më të madhe të popullsisë në mbi 30 vjet. /tesheshi.com/
