Policia në Dubai, në Emiratet e Bashkuara Arabe, konfiskoi 500 kg kokainë me vlerë rreth 118 milionë euro dhe arrestoi një person, sipas një deklarate të lëshuar të dielën.
“Policia kohët e fundit parandaloi një përpjekje për të hyrë në vend me 500 kg kokainë të pastër për shitje,” tha deklarata, pa detaje për vendndodhjen dhe kohën e aksionit të policisë.
“Droga me një vlerë tregu prej më shumë se 500 milion dirhemë ishin fshehur në një enë,” shtoi ajo.
Personi i arrestuar, me origjinë nga Lindja e Mesme, dyshohet se ishte ndërmjetës për një kartel ndërkombëtar, sipas të njëjtit burim.
Shërbimi Doganor i Dubait raporton rregullisht për kapjen e drogës në atë emirat, një nga shtatë anëtarët e Emirateve të Bashkuara Arabe, të cilët kanë ligje të rrepta për abuzimin me drogën.
Trafikimi i drogës atje dënohet me vdekje, e cila shpesh ndryshohet me burgim të përjetshëm. /tesheshi.com/
