Kancelari gjerman Olaf Scholz do të arrijë në Beograd të premten, ku do të bisedojë me presidentin serb Aleksandar Vuçiç, konfirmoi zëdhënësi i qeverisë gjermane.
Scholz do të marrë pjesë në një samit për lëndët e para strategjike në Beograd me nënpresidentin e Komisionit Evropian për Energji, Marosh Shefçoviç, raporton FoNet.
Një Memorandum Mirëkuptimi midis Bashkimit Evropian dhe Serbisë për një partneritet strategjik për lëndët e para të qëndrueshme, zinxhirët e prodhimit të baterive dhe automjetet elektrike do të nënshkruhet në samit, sipas agjencisë britanike.
Një zëdhënës i qeverisë në Berlin tha se “sfondi është projekti i qëndrueshëm i minierave të litiumit në Serbi”.
Projekti Jadar
“Në përgjithësi, bëhet fjalë për zhvillimin e mëtejshëm të agjendës evropiane për lëndët e para”, tha një zëdhënës i qeverisë gjermane.
Vizita e Scholz do të pasojë miratimin nga qeveria serbe të një dekreti që lejon Rio Tinto të vazhdojë zhvillimin e minierës më të madhe të litiumit në Evropë si një nxitje e mundshme për industrinë e automjeteve elektrike të kontinentit.
Nëse realizohet, projekti Jadar prej 2.4 miliardë dollarësh në Serbinë perëndimore mund të mbulojë 90 për qind të nevojave aktuale të litiumit të Evropës, duke e bërë Rio Tinto prodhuesin kryesor të litiumit.
Reuters, megjithatë, tregon se ka kundërshtim të fortë ndaj projektit nga aktivistët mjedisorë dhe partitë opozitare. /tesheshi.com/
