Cila është kafsha që ka vrarë më shumë njerëzit në Afrikë?

Të gjithë e dimë që siç lindim, ashtu edhe vdesim, e shkaqet e vdekjes mund të jenë nga më të ndryshmet. Disa ndërrojnë jetë për shkak të moshës, të tjerë për shkak të sëmundjeve të ndryshme, të cilat popullojnë botën, ka të tjerë që vdesin për shkak të aksidenteve të shumta që ndodhin çdo ditë, por ka edhe nga ata që humbasin jetës prej sulmeve që pësojnë nga kafshë të ndryshme në vende të ndryshme të botës.

E keni menduar ndonjëherë se cila është kafsha që ka vrarë më së shumti njerëzit në Afrikë? Mendoni se mund të jenë luanët apo tigrat? Në fakt nuk është kështu. Hipopotamët kanë vrarë më shumë njerëz në Afrikë se çdo kafshë tjetër. Kjo është një kafshë shumë agresive dhe lëviz mjaft shpejt, kur bëhet fjalë për të mbrojtur territorin e saj rreth ujit.

Hipopotamët mund të vrapojnë me një shpejtësi prej 19 miljesh në orë. Megjithëse duken të ngadaltë dhe disi paqësorë, ata mund të kërcejnë, pra të hidhen dhe të vrasin krokodilët. Kjo lloj kafshe ka disa dhëmbë të mëdhenj dhe të mprehtë të vendosur në nofulla, të cilët mund të çajnë një njeri në dy pjesë.

Edhe pse hipopotamët vrasin në mënyrë të drejtpërdrejtë më shumë njerëz në Afrikë, mushkonjat janë ato që në mënyrë indirekte kanë shkaktuar më shumë viktima duke shpërndarë sëmundjet infektive siç është malarja apo të tjera të ngjashme. /tesheshi.com/