Udhëheqja e shtetit brazilian vendosi që çdo vit, më 19 nëntor, ai vend i Amerikës së Jugut të festojë Ditën e Mbretit Pele, për nder të futbollistit legjendar, i konsideruar nga shumë njerëz si më i miri i të gjitha kohërave.
Dita e Përkujtimit të Pele do të festohet në atë datë, sepse kronikat e futbollit thonë se ishte atëherë që Pele shënoi golin e 1000-të të karrierës së tij të lavdishme. Ndodhi në stadiumin Maracana në Rio de Zhaneiro, në ndeshjen midis Santos dhe Vasco de Gama në vitin 1969. Santos i Peles fitoi 2:1, dhe Pele shënoi nga pika e bardhë.
Tre tituj kampion bote
Në atë moment, ndeshja u ndërpre për një kohë të shkurtër për shkak të tifozëve të shumtë që vrapuan në fushë për të festuar me Pele, i cili ia kushtoi golin fëmijëve të varfër anembanë Brazilit.
Pele vdiq më 29 dhjetor 2022 në moshën 82 vjeçare. Ai gjatë karrierës së tij fitoi tre tituj kampion bote me Brazilin. /tesheshi.com/
