Arsenal përjetoi fiasko të vërtetë pasi u turpërua në udhëtim nga Southampton me shifra të larta, (4-0). Topçinjtë dështuan të shfrytëzojnë kështu rrëshqitjen e Leicester City-t në Anfield, pasi u mposht minimalisht nga Liverpool, (1-0).
Hiç mirë nuk kaloi as skuadra tjetër londineze, Chelsea, që dështon të marrë pikët e plota në shtëpi përballë skuadrës Watford, (2-2). Në këtë përballje debutoi edhe trajneri rus Gus Hiddink në krye të stolit të bluve, mirëpo pa dhënë efektin e duhur.
Manchester City është e vetmja skuadër nga kreu i tabelës që doli faqebardhë këtë fundjavë. “Qytetarët” moposhtën Sunderland (4-1), për t’u afruar kështu edhe më shumë me kreun e klasifikimit. Tani vetëm tre pikë e ndajnë skuadrën nga Etihad me kryesuesin, Leicester City.
Këto ndeshje ndryshe quhen edhe si boxing day game, pasi që skuadrat zhvillojnë tri duele për një javë. /tesheshi.com/
