Presidenti i SHBA Joe Biden foli me telefon me Papa Françeskun të shtunën dhe i dha atij Medaljen Presidenciale të Lirisë me nderim, njoftoi Shtëpia e Bardhë.
Medaljen Presidenciale të Lirisë Biden ua ka dhënë 19 personave në fillim të këtij muaji, por kjo është hera e parë në mandatin e tij që ai ia jep medaljen “me dallim”, që paraqet një nivel më të lartë të Medaljes Presidenciale të Lirisë.
“Medalja Presidenciale e Lirisë është nderimi më i lartë civil i kombit, që u jepet individëve që kanë dhënë kontribut të jashtëzakonshëm për prosperitetin, vlerat ose sigurinë e Shteteve të Bashkuara, paqes botërore ose përpjekjeve të tjera të rëndësishme shoqërore, publike ose private”, tha Shtëpia e Bardhë në një deklaratë.
Biden anuloi një udhëtim në Romë këtë javë, ku duhej të takohej personalisht me Papën, për shkak të zjarreve katastrofike në Kaliforni. /tesheshi.com/
