Ish-kryeministri Sali Berisha dhe drejtuesi i emisionit Opinion, Blendi Fevziu nuk e ruajnë miqësinë e dikurshme, por duket se kanë të njëjtat burime informacioni, pasi sot janë shfaqur në sintoni me publikimin e të “dhënave sekrete” për dosjen Tahiri-Habilaj.
Në një shkrim të botuar në mëngjes Fevizu thoshte se përveç Tahirit në skandal është përfshirë dhe një ministrër tjetër i qeverisë Rama, ndërsa Berisha pak orë më vonë i nxori emrin këtij ministri.
“Në redaksi portalesh kanë qarkulluar fotot të një tjetër ministri të qeverisë në shoqërinë e një njeriu të Habilajve gjatë fushatës në Vlorë. Edhe pse në një drekë disi të gjerë. Qarkullojnë përgjime të një kryetari bashkie të rëndësishëm me eksponentë të njohur të botës së krimit, një dosje që implikon të afërmin e një Ministri, raporti i një shërbimi perëndimor për klanet dhe familjet mafioze në Shqipëri si dhe një dosje e rëndësishme korrupsioni që me gjasë do të vihet në lëvizje edhe nga organet e hetimit shumë shpejt!”- shkruante Fevziu.
Nga ana e tij ish-kryeministri Berisha duke u bazuar tek “qytetari dixhital” thotë të njëjtën gjë por duke përdorur emra.
“Gjiknuri në tepsi! I filmuar duke i dhënë para Habilajt në fushatë për të blerë votat”- shkruan në facebook Berisha.
