Udhëheqësit e BBC-së (British Broadcasting Corporation), kujtuan të mërkurën një prej gafave më të mëdha në historinë e programeve televizive, e cila ka ndodhur pikërisht para kamerave të tyre, më 8 maj të vitit 2006.
Atë ditë, stafi i BBC-së gabimisht ftoi në studio Guy Goma-n, një teknik kompjuteri nga Kongoja, me të cilin gazetarja Karen Bowerman bën një intervistë pa pasur idenë se në çfarë gabimi kishte rrëshqitur duke patur përballë tjetërkënd nga ai që duhej të ishte .
Ishte e vërtetë se Guy Goma kishte ardhur për intervistë në ambientet e BBC-së, por për një intervistë për punësim në departamentin e IT.
Ndërsa një “Guy” tjetër do ndodhej para kamerave, Guy Kewney, një ekspert kibernetik i cili po priste në recepcion për t’u marrë nga stafi për intervistën e planifikuar.
Producenti shkon tek recepsioni në hyrjen kryesore dhe, kur e sheh Goma-n e pyet nëse është ai Guy, duke menduar se është duke biseduar me ekspertin e kërkuar të teknologjisë kibernetike.
Normalisht, Goma përgjigjet se “po, ai është vetë Guy”, dhe kështu fillon spektakli i padëshiruar, që më vonë do e njollste imazhin e gjigandit të madh mediatik.
Vetëm disa minuta më vonë, Goma gjendet në studio i rrethuar nga kameramanë dhe me mikrofon të lidhur për trupi, pa i shkuar në mendje të pyesë për asgjë, duke menduar se BBC po e interviston për punë në këtë mënyrë.
Se diçka nuk është në rregull, Goma e kupton që në çastin kur moderatorja, Karen Bowman e prezanton si Guy Kewney.
Por ai vendos të futet në këtë lojë.
Duke folur në temën e çështjes gjyqësore në mes të Apple Corps (në pronësi të The Beatles) dhe Apple Computer për të drejtat autoriale, në pyetjen e gazetares se si e sheh ai të ardhmen e downlodimit të videove, Goma në përgjigjen e tij thotë se një ditë do të krijohen shërbime, siç janë Spotify, Netflix, iTunes, dhe se njerëzit do të kenë mundësi të marrin nga interneti gjithçka që të dëshirojnë’’.
Dhe në momentin kur zbulohet se çfarë ka ndodhur, Goma ngjason me një yll, ndërsa paraqitja e tij edhe sot e kësaj dite është përshkruar si gabimi më i madh që ka ndodhur ndonjëherë në programet televizive.
Dhe ironia vijon më tej, kur dhjetë minuta më vonë, pasi e lë studion, Goma shkon për në intervistën e vërtetë, atë për punë. Dhe rezultati ishte: refuzohet! /tesheshi.com/
Të gjithë çfarë ndodhi mund ta shikoni në këtë video
