“Atalante”, shpresa e fundit për “Titan”-in e zhdukur

Shpresa e fundit, mbase, për lokalizimin e nëndetëses turistike “Titan” e cila është zhdukur që prej të dielës, gjatë një “turi” në kufomën e Titanic-ut, është anija franceze “Atalante”, e cila ka nisur që prej ditës së djeshme këkrimet për në vendngjarje.

Koha nuk është aleate në përpjekjet për gjetjen e “Titanit”, por Franca ka vendosur të ndihmojë në këtë mënyrë kërkimin, siç bëri të ditur zëvendësministri francez i Çështjeve Detare Hervé Berville.

MarineTraffic regjistron ecurinë e “Atalante” drejt vendit të hetimeve. Rreth orës 12, anija franceze ishte rreth 189 milje detare nga “Princi Polar”, anija nga e cila “Titan” u “lëshuar” për t’u zhytur në rrënojat e Titanic-ut.

Anija “Atalante” e dërguar nga Instituti Francez i Kërkimeve Detare, mban një nëndetëse me pilot të quajtur “Nautile” dhe një robot të telekomanduar të njohur si “Victor 6000”.

Ajo mund të zhytet në një thellësi prej 6000 metrash me një ekuipazh prej tre personash dhe është një nga nëndetëset e pakta të drejtuara në det të thellë. Ka tre dritare shikimi me kënd të gjerë dhe fenerët LED që ofrojnë një pamje të drejtpërdrejtë të shtratit të detit. Një zhytje e kësaj nëndetëseje të veçantë mund të zgjasë deri në tetë orë, gjashtë prej të cilave mund të shpenzohen duke punuar në shtratin e detit.

Roboti “Vector 6000”, i cili do të duhet të zbresë në një thellësi prej rreth 4000 metrash, duke u përpjekur të përdorë pajisjet e tij të gjurmimit në bord, është projektuar për të funksionuar në një thellësi deri në 6 kilometra. Roboti është i lidhur me “Atalante” nëpërmjet një kablloje elektromekanike 8000 metra të gjatë.

Kërkimi për nëndetësen turistike Titan, e cila humbi gjatë një misioni në mbytjen e Titanic-ut, ka nisur që nga e hëna, rreth 900 milje larg Cape Cod në bregun e Atlantikut.

Të hënën, OceanGate Expeditions konfirmoi zhdukjen e zhytësit me pilot, ndërsa kontakti me pesë personat në bord humbi rreth një orë e 45 minuta pasi ajo u zhyt të dielën. Një zyrtar i qeverisë franceze konfirmoi se në mesin e pesë personave në bordin e nëndetëses turistike është eksploruesi francez 77-vjeçar Paul-Henri Narzolet, drejtor i kërkimeve nënujore në kompaninë që zotëron të drejtat për mbytjen e Titanic-ut.

Informacionet tregojnë se katër të tjerët në bord janë themeluesi amerikan i OceanGate Stockton Rush, miliarderi britanik Hamish Harding (kryetar dhe CEO i kompanisë private të shitjes së avionëve Action Aviation), biznesmeni pakistanez Shahzada Daëood dhe djali i tij Suleiman. /tesheshi.com/