Paralel me zhvillimet në kampin MEK në Manzë të Durrësit, aty ku Policia ushtroi kontrolle te opozita iraniane me urdhër të SPAK, nën dyshimet për sulme kibernetike, kryeministri Edi Rama ka udhëtuar në Izrael, aty ku sipas tij ndodhen liderët botërore të mbrojtjes kibernetike.
“Një vizitë tejet mbresëlënëse në kompaninë CheckPoint, lider botëror në Sigurinë Kibernetike, ku pata privilegjin e takimit me themeluesin e saj, legjendën e teknologjisë së lartë në Izrael, Gil Shëed”, informon i pari i qeverisjes shqiptare, e cila do përballej muaj më parë me sulme kibernetike iraniane, duke bërë që të shkëpuste marrëdhëniet diplomatike me armiqtë e Izraelit.
Por tani duhet të përballet dhe me armiqtë e Teheranit zyrtar, muxhahedinët, miq të SHBA të sjellë te ne nga amerikanët.
Por Uashingtoni nuk u mban më anë dhe i ka dhënë përkrahje qeverisë shqiptare në aksionin e saj në “Ashraf 3”. /tesheshi.com/
