Një shofer taksie në Tokio është arrestuar për vrasjen e qëllimshme të një pëllumbi me makinën e tij, tha policia lokale e intervistuar nga AFP, me sa duket i inatosur kur takoi një tufë zogjsh në rrugën e tij.
50-vjeçari u arrestua të dielën e kaluar për “përdorimin e makinës së tij për të vrarë një pëllumb”, tha një zëdhënës i policisë së Tokios për AFP. “Nuk është pre”, ka vendosur të sqarojë ai.
Muajin e kaluar, ky shofer taksie përshpejtoi në një kryqëzim sapo drita u kthye në jeshile, në mënyrë që të përplasej me një tufë pëllumbash në tokë, sipas shtypit lokal.
Zhurma nga përshpejtimi i papritur tërhoqi vëmendjen e një kalimtari, i cili më pas lajmëroi policinë.
Kjo e fundit e morri shumë seriozisht ngjarjen, duke arritur deri aty sa të angazhojë një veteriner për kryerjen e nekropsit të pëllumbit të vrarë nga përplasja me mjetin.
“Rrugët u përkasin njerëzve, ndaj pëllumbat duhet të dalin nga rruga”, u tha taksisti para hetuesve, sipas mediave lokale. /tesheshi.com/
