Një nga rrjetet më të mëdha të telefonisë celulare në Danimarkë pati një ndërprerje të madhe të sinjalit të enjten që shkaktoi kaos dhe pengoi thirrjen e shërbimeve të urgjencës, raporton AP.
Për shkak të këtij mosfunksionimi disaorësh, trenat dhe autobusët u vonuan në disa pjesë të Danimarkës për shkak të ndërprerjes së sinjalistikës, ndërkohë që u krijua kaos në stacione dhe në trena sepse pasagjerët nuk kishin ku të shkonin.
Një spital duhej të zvogëlonte fushën e shërbimeve shëndetësore vetëm në ato thelbësore për shkak të ndërprerjes së komunikimeve dhe policia në disa rajone kërkoi në rrugë për njerëzit që kishin nevojë për ndihmë.
Një përditësim problematik
Operatori i telefonisë celulare TDC Net tha se problemi ka të ngjarë të jetë shkaktuar nga një përditësim në softuerin e tij kompjuterik, por Qendra për Sigurinë Kibernetike, një degë e shërbimit të inteligjencës ushtarake të Danimarkës, nuk mund ta konfirmonte atë diagnozë.
Më vonë, TDC Net njoftoi se kishte rregulluar sistemin: përdoruesit mund të kryejnë telefonata, ndonëse me cilësi më të ulët zëri, dhe ata që dëshirojnë të telefonojnë në numrin evropian të urgjencës 112, duhet së pari të heqin kartën SIM nga telefoni. /tesheshi.com/
