Një ditë pas kërkesës së Ilir Metës për largimin e Saimir Tahirit nga posti i ministrit të Brendshëm, ambasadori i SHBA-së në Tiranë, Donald Lu, ka mbërritur në zyrën e Tahirit, bashkë me një ekip të FBI-së.
Takimi është zhvilluar pa praninë e mediave, por siç mësohet, temë e takimit ka qenë ngritja e Byrosë Kombëtare të Hetimit.
Ky institucion që u miratua me ligj në fund të vitit të shkuar pati si synim krijimin e një bërthame që do të luftonte kryesisht korrupsionin në rangjet e zyrtarëve të lartë. Por me lobimin e disa qarqeve të fuqishme të politikës dhe biznesit u rrëzua nga Gjykata Kushtetuese. Por si qeveria ashtu dhe SHBA shprëhën insistimin që ligji të riparaqitet. She sipas gjasave FBI-ja shqiptare do të jetë sërish në Kuvend, por kësaj radhe me ndryshime. Prova kësaj here do të jetë se kush do ta votojë: mazhoranca e plotë, apo së bashku me opozitës, ose vetëm PS-ja dhe PD-ja(një pjesë e saj).
/tesheshi.com/
