Ambasada e SHBA-së ka shtyrë papritur takimin me grupin parlamentar të PD-së që ishte lënë për të premten dhe me grupet e PS-së dhe LSI-së që ishte lënë për sot.
Zëdhënësi i ambasadës së SHBA-së, Ryan Roberts, theksoi për mediat se “Ambassadorët Lu dhe Vlahutin kanë rënë dakord me 3 grupet parlamentare që të takohen me secilin prej grupeve, në radhë sipas numrit të deputetëve – PS, PD, LSI.
Po punojmë për t’i organizuar takimet javën e ardhshme”.
Ndërkaq kreu i PD-së Lulzim Basha ka anuluar mbledhjen e grupit parlamentar të Partisë Demokratike me Ambasadorët e BE dhe SHBA, e cila ishte parashikuar për tu mbajtur ditën e premte në orën 15:00.
/tesheshi.com/
