Duket sikur ishte sektori ku punët po venin diku mirë e ku drejtuesi kryesor nuk para kishte lënë vend për përfolje me natyrë akuzuese, siç e kërkon gjuha e politikës që i takon të bëjë opozita.
Por ALUIZNI dhe Artan Lame, janë përfshirë së fundi në tabelën e qitjes së opozitës, e cila deri dje mjaftohej të thoshte vetëm se legalizimet nuk po bëhen falas, ndryshe nga ç `kishte premtuar Rama gjatë fushatës.
Rradhën e ka patur deputeti Genti Strazirimi që të dalë sot në një konferencë për shtyp dhe të akuzojë Lamen për korrupsion:
“Ai që nuk linte vend pa dhënë mendimin e tij të vyer, nga kangjellat e Presidencës e deri tek pllaka ne kalanë e Lezhës, ka disa ditë që ka humbur! Për 1.5 milionë dollarët në fjalë …nuk ka mendim.
“Nëse zoti Lam do të fliste, do të duhej të na shuante kureshtjen edhe mbi faktin se cila kompani konsulence paguhet 8,000 dollarë në ditë, dmth 100 dollarë ora? PSE duhen bërë këto matje nga firma private, kur ALUIZNI e ka strukturën të ngritur prej vitesh, me qindra punonjës me eksperience e të trajnuar dhe që po ecnin me ritme aq te larta sa ç’na deklaruat para 16 muajsh? Si shmanget konflikti i interesit kur tenderin e fiton bashkëshorti i drejtoreshës që harton termat e referencës për tenderin në fjale?”, u shpreh Strazimiri, duke ironizuar dhe me mbiemrin e Lames, thënë “zoti Lam”, personazh tek filmi Pylli i lirisë’.
Prej disa ditësh, kreu i AlUIZN-it, Artan Lame po akuzohet nga PD-ja për shkelje proçedurash në tenderime, që sipas saj janë të dhëna të qarta për abuzime të rënda financiare që bien erë korrupsion.
Por politikisht, duket se opozita ka vënë në funksion të njëjtën strategji si PS-ja dje në opozitë, ku sulmonte pushtetin e PD-së në front të gjërë, duke mos lënë ministër dhe sektor pa ja nxjerrë letrat e akuzës, për çdo rast e për çdo gjë. /tesheshi.com/
