Kryeministri Isa Mustafa ka vendosur të mbyllë llogarinë e tij në Facebook pas misterit që shoqëroi një postim të tij ndaj Ramush Haradinajt, që më pas u mohua dhe u cilësua si ndërhyrje.
Në një komunikatë për shtyp, zyra e shtypit të qeverisë njofton se: “Zyra e Kryeministrit të Republikës së Kosovës njofton opinionin se për shkak të rritjes së numrit të sulmeve ndaj llogarisë së kryeministrit Isa Mustafa në Facebook, kjo llogari do të deaktivizohet, deri në rritjen e masave të sigurisë.
Gjatë kësaj periudhe, çdo postim apo komunikim për apo në emër të kryeministrit Isa Mustafa nuk paraqet qëndrimet e kryeministrit dhe të njëjtat do të denoncohen në organet kompetente.”
Kryeministri Isa Mustafa, duke falënderuar përkrahësit dhe të gjithë qytetarët për mirëkuptimin, njofton se me kryeministrin Isa Mustafa mund të komunikojnë në çdo kohë përmes Zyrës për Komunikim Publik në ZKM”. /tesheshi.com/
