Ambasadori i SHBA-së në Tiranë Donald Lu u takua sot me kryetarin e Partisë Demokratike, Lulzim Basha dhe Ministrin e Brendshëm, Saimir Tahiri.
Takimi mes Lu dhe Bashës është zhvilluar në selinë e PD-së dhe ka zgjatur rreth 40 minuta.
Nuk janë dhënë të dhëna zyrtare për detajet e bisedës mes tyre, por takimi vjen pak minuta pasi PD-ja dorëzoi pranë Kuvendit të Shqipërisë projektligjin për dekriminalizimin.
Pas takimit me Bashën, ambasadori amerikan Donald Lu ka zhvilluar një takim edhe me Ministrin e Brendshëm, Saimir Tahiri.
Pas bisedimeve, Basha hartoi një deklaratë, e cila në një farë mënyre ishte tregues për këto takime.
“Quo Vadis Shqipëria. Qytetarët e vendit me jetën që u është bërë ferr nga qeveria, janë shtangur nga këto raste korrupsioni dhe lidhje me krimin. Partnerët tanë ndërkombëtarë janë të alarmuar.
Ndërkohë që këto ngjarje të rënda ndodhin, Edi Rama i thotë marshalla krimit e korrupsionit, ndan hesapet me ortakët e zyrtarët e tij, dhe i sulet si bishë të pamundurve”, thekson Basha në një postin në Facebook. /tesheshi.com/
