Lentet e kontaktit janë nj aleat shumë i mirë për të gjithë ata që nuk duan të mbajnë përherë syzet, për të përmirësuar shikimin e tyre. E megjithatë, jo të gjithë arrijnë të durojnë faktin se diçka e huaj, plasike është vendosur në brendësi të syrit të tyre, e si rrjedhojë, jo gjithmonë arrijnë ta menaxhojnë atë kur e kanë të vendosur në sy. Ka edhe nga ata që nuk mbajnë dot syzet dhe vendosin përherë lentet e kontaktit, megjithatë, me to duhet bërë shumë kujdes. Ja 10 gjëra që nuk dyhet të bëni kur vini lentet në sy.
T’i vini lentet me duar të paparsta – Doni të merrni ndonjë infeksion ? Lajini mirë duart me sapun dhe thajini me një peshqir të pastër përpara se të vendosni lentet.
Nuk ndërroni solucionin dezinfektues – Kur ndërroni lentet dhe i vendosni në të njëjtin solucion, pa e ndërruar atë, dijeni se jeni në kushtet e përsosura të merrni baktere.
Nuk pastroni enën – Bakteret zhvillohen edhe me shumë nëse ju nuk e pastroni enën në të cilën vendosni të pushojnë lentet e kontaktit.
Nuk pastroni lentet – Qepallat përplasen disa herë në ditë mes tyre dhe ato mund të sjellin nga jashtë e të ngjisin në lente mikrobe apo infeksione nga më të ndryshmet, ndaj është e rëndësishme që të pastroni lentet.
Të fusni lentet e kontaktit në gojë – Mund t’u ndodhë shumë personave. (I vendosnin në majë të buzës për të qëndruar ndërsa nxjerrin apo vënë lenten tjetër). Mos harroni të lani lenten pas këtij veprimi.
Të mbash përherë lentet – Kur i mbani më shumë seç duhet lentet, syri lodhet dhe si rrjedhojë, shikimi mund të dobësohet.
Të flesh me lente – Ndonjëherë, kur hyjmë vonë në shtëpi në mbrëmje, mund të përtojmë të heqim lentet. Nuk ka gjë më të keqe pasi syri mund të irritohet gjatë natës.
Make up-i ka prekur lentet? – Nëse jeni duke bërë tualetin dhe pa dashje lapsi, rimeli apo peneli prekin lenten, mos e lini ashtu siç është por hiqeni menjëherë, pastrojeni dhe më pas vendoseni sërish.
Syri është i irrituar – Ndonjëherë, për shkak të lodhjes apo të stresit, syri irritohet shumë kollaj. Mos e nënvlerësoni një bezdi të tillë dhe hiqni menjëherë lenten.
Mos i fërkoni sytë – Mund të ndodhë të fërkoni sytë, në veçanti kur jeni të lodhur. Kur vendosni lenten e kontaktit duhet të evitoni fërkimin e syrit pasi mund të çani lenten dhe të irritohet syri./tesheshi.com/
