Një Gjykatë në Zvicër ka vendosur në favor të një muslimaneje me origjinë nga Serbia, e cila ka paditur kompaninë nga e cila ajo u largua nga puna për shkak të veshjes së hixhabit.
29-vjeçarja anonime, me prejardhje nga Serbia e cila ishte duke punuar në një lavanteri, është pushuar nga puna vitin e kaluar kur ka vendosur të mbajw hixhabin.
Gjykata zvicerane në rajonin Mern-Mittelland ka marrë vendimin në të cilën thuhet se janë shkelur të drejtat e lirive të grave muslimane. Në bazë të gjykimit, kompania do t’i paguajë dëmshpërblim të dëmtuarës në shumën prej 8.000 franka zvicerane (7.400 euro) dhe do t’i paguhen gjithashtu tri paga mujore.
Rasti ka shtërhequr vëmendje të madhe të mediave në Zvicër, ndërkohë që zëdhënësi i Federatës së shoqatave islame në Zvicër, Onder Gunes ka thënë se vendimi i Gjykatës në favor të gruas muslimane është shembull pozitiv i të drejtave dhe lirive të njeriut.
“Ky vendim vlen për të gjitha gratë e mbuluara që punojnë në Zvicër. Edhe një herë është përçuar mesazh që vendi i punës nuk ka rëndësi se si vishet punëtorja, por si e kryen punën për të cilën është përgjegjëse”, ka thënë Gunes.
Paralelisht më këtë, në fund të muajit të kaluar, parlamenti zviceran miratoi vendim me të cilën ua ndalon grave muslimane mbajtjen e burkas (mbulesë kjo e cila mbulon fytyrën) në vende publike. /tesheshi.com/
