“Maqedonia hyn në robërinë e sigurt të borxhit, ndaj qeveria e re do të duhet të stabilizojë borxhin dhe të zvogëlojë deficitin”, tha Zëvendës Ministri i Financave, Kire Naumov në emisionin “10 Minuta” në TV21.
“Ne themi se për pagat dhe pensionet duhet të ketë mjete, dhe ato ekzistojnë, por nuk lejojmë borxhe të mëtejshme për të cilat jemi të vetëdijshëm se në çfarë mënyrë shkojnë”, tha Naumov.
Edhe pse zëvendësministri Naumov, më herët pati njoftuar se do të inspektojë thesarin e Ministrisë së Financave me qëllim zbulimin e krimit, gati dy muaj pas emërimit të tij në këtë funksion, tha se ky proces nuk është i lehtë.
Megjithatë, Naumov u shpreh se LSDMja dhe zëvendësministrat shtesë do të bëjnë gjithçka që paratë e nxjerra jashtë vendit dhe ato që janë vjedhur, t’iu kthehen qytetarëve./tesheshi.com/
