Aktorja dhe producentja amerikane Jessica Chastain vizitoi Kievin ku u takua me presidentin Zelensky.
“Aktorja amerikane Jessica Chastain erdhi sot në Ukrainë. Për ne, vizita të tilla nga njerëz të famshëm janë jashtëzakonisht të vlefshme. Falë kësaj, bota do të dëgjojë, dijë dhe kuptojë edhe më shumë të vërtetën për atë që po ndodh në vendin tonë. Faleminderit për mbështetjen tuaj!”, ka shkruar Zelensky në një postim në Instagram.
Chastain vizitoi gjithashtu Spitalin e Fëmijëve Okhmatdyt në qendër të kryeqytetit, duke ofruar mbështetje për popullin e Ukrainës. Ajo dhe bashkëshorti i saj së fundmi pozuan për Vogue.
Edhe Zelensky së bashku me bashkëshorten e tij Olena kanë pozuar për revistën Vogue, gjë e cila u kritikua nga shumë në rrjetet sociale.
“A nuk duhet të ndihmoni vendin tuaj, në vend që të bëni foto për Vogue?”, “Njerëzit po vdesin, këta bëjnë foto”, shkruan të pakënaqurit me këtë lloj eksperimentimi mediatik nga presidenti dhe zonja e parë ukrainase. /tesheshi.com/
