Forcat e armatosura të Ukrainës publikuan një vlerësim ditor të humbjeve ruse në luftën që shpërtheu në fund të shkurtit. Pretendohet se në të janë vrarë më shumë se 42.340 ushtarë rusë deri më tani, 140 prej tyre në 24 orët e fundit.
Ministria britanike e Mbrojtjes llogariti se 10 gjeneralë rusë u vranë në luftën në Ukrainë.
Raportohet gjithashtu se të paktën 6 komandantë të lartë ushtarakë rusë janë shkarkuar që nga fillimi i pushtimit rus.
Duhet të theksohet se vlerësimet e Ukrainës për humbjet janë më të larta se ato të publikuara nga Rusia dhe agjencitë perëndimore.
Gjithashtu, ukrainasit ndihen të avantazhuar nga sistemi amerikan Himars. Sipas tyre, rusët nuk po i rezistojnë dot këtij sistemi raketor që po u sjell humbje të mëdha.
“Sonte u demonstrua efektivisht se njësitë ekzistuese armike nuk mund t’i rezistojnë më Himars-it. Sistemi i dobësuar i mbrojtjes kundërajrore krijon parakushtet e nevojshme për një kundërsulm të suksesshëm në drejtim të Melitopolit”, tha Ivan Fedorov, kryebashkiaku ukrainas i Melitopolit në mërgim. /tesheshi.com/
