Sot, kryeministri i Greqisë, Alexis Tsipras pritet të takohet në pasdite me Kancelaren gjermane Angela Merkel në Berlin. Të dielën, në 15 mars, 4 ditë përpara takimit të mini samitit të jashtëzakonshëm të Merkel-Hollande-Tsipras-Draghi-Juncker- Tusk-Dijsselbloem, të enjten e kaluar në Bruksel, kryeministri grek i kishte shkruar një letër kancelares Merkel, drejtuar 18 partnerëve të tjerë të Eurozonës.
Në tekstin e letrës, Tsipras paralajmëronte se do të ishte e pamundur për Athinën të paguante detyrimet e ardhshme të borxhit të akumuluar për “institucionet” apo për Grupin e Brukselit (ish trojkën BQE-BE-FMN), nëse Brukesli nuk do të kishte dhënë në një periudhë të shkurtër asistencë ekonomike, siç ndodhi.
Një ditë më pas Tsipras ka mbajtur rreth 2 miliardë euro të fondeve për zhvillimin e BE, pa i shpenzuar të dhëna nga ana e presidentit të Komisionit Jean Calude Juncker, për të përballuar shpenzimet e brendshme.
Gjithçka është bërë në kuadër të kërkesës nga BE që Athina të realizojë sa më shpejt të jetë e mundur një listë të plotë dhe të detajuar të reformave që duhet të ndërmarrë gjatë 4 muajve të ardhshëm.
“Duke parë se Greqia nuk ka akses në tregun e borxhit (për të cilën në tekstin e letrës së Tsipras i vihet faji Bankës Qendrore Europiane të Mario Draghit), dhe duke parë shumat e vogla të mbledhura nga detyrimet për të paguar borxhin në pranverë dhe në verë, duhet ta keni të qartë se shtrëngimet e vëna nga BQE ndaj eksesit tonë në treg, e ndihmuar edhe nga vonesat e dhëna në ndihma, do ta bënte të pamundur për çdo qeveri pagimin e borxhit”,- shkruante Tsipras në vigjilje të ,mbledhjes vendimtare të së enjtes.
Ai shton më tej: “Me këtë letër po ju evidentoj se problemi i mungesës së një fluksi të vogël të parasë, për shkak të një lloj “inercie institucionale” mund të shndërrohet në një problem të madh jo vetëm për Greqinë por edhe për Europën”.
Në letrën e Tsipras për Merkel, e cila është 5 faqe e gjatë, kreu i qeverisë greke nxjerr në plan të parë menaxhimin e borxhit grek dhe kritikon në mënyrë të përsëritur qëndrimin aspak dinjitoz (sipas Tsipras) të BQE dhe Mario Draghi, i cili ka shtrënguar “rubinetat” e financimit.
Tsipras përfundon duke thënë se “Athina është zotuar të respektojë detyrimet e saj që i janë dhënë në mirëbesim dhe në bashkëpunim të ngushtë me partnerët e saj, por mungesa e fondeve mund të shkaktojë probleme edhe më të mëdha”./tesheshi.com/
