Zbulim mortor në Alpet zvicerane: eshtrat e atij që u zhduk 37 vite më parë

Mbetjet njerëzore të gjetura në një akullnajë pranë Matterhornit zviceran i përkasin një alpinisti gjerman i cili u zhduk në vitin 1986 dhe ky zbulim është vetëm një nga sekretet e mbajtura prej kohësh të akullnajave alpine që shkrihen gjatë ndryshimeve klimatike dhe zbulojnë atë që kanë ruajtur për dekada.

Trupi u gjet në fillim të këtij muaji nga alpinistët që përshkonin Akullnajën Theodul, mbi Zermatt, pasi vunë re një këpucë akulli në ngjitje dhe crampons që dilnin nga akulli.

Analiza e ADN-së konfirmoi se ishte një alpinist gjerman që u zhduk 37 vjet më parë. Ndaj tij u nis një operacion i gjerë kërkim-shpëtimi, por nuk dha fryt. Policia nuk ka specifikuar identitetin e tij, duke konfirmuar vetëm se ai ishte 38 vjeç në momentin e zhdukjes.

Akullnaja Theodul, si akullnajat e tjera nëpër Alpe, është zvogëluar dukshëm vitet e fundit. Theodul është pjesë e rajonit të skive gjatë gjithë vitit të Zermatt-it, më i madhi në Evropë. Deri në vitet 1980, Theodul ishte ende i lidhur me akullnajën fqinje Gorner, por tani ata janë ndarë.

Pothuajse çdo verë, akulli i shkrirë zbulon diçka ose dikë që është zhdukur dekada më parë. Vitin e kaluar, rrënojat e aeroplanit që u rrëzua në vitin 1968 dolën nga akullnaja Aletsch. /tesheshi.com/