Një dokument i ri që është zbuluar bën me dije se Xhorxh Best nuk është quajtur kështu në certifikatën e lindjes.
“Belfast Telegraph” zbulon se futbollisti nga Irlanda e Veriut, në momentin e regjistrimit si i sapolindur, është quajtur Ronald Samuel. Kohë më vonë, mund të jetë bërë edhe ndryshimi. Kunati i futbollistit nuk e shpjegon dot se cila ka qenë arsyeja, transmeton Panorama Sport.
“Kur mësova lajmin, kam folur me bashkëshorten dhe familjarë të tjerë të Xhorxhit. Asnjë nuk e dinte këtë fakt dhe mbi të gjitha arsyen pse të ishte ndryshuar emri i parë. Mbase ba bai i tij nuk e ka pëlqyer si emër dhe ka vendosur ndryshe. Nuk besoj të ketë ndonjë shkak tjetër”, shprehet Norman Meknarri, bashkëshorti i motrës së ish-futbollistit, Barbarës.
Në karrierën e tij, Best luajti plot 11 vite me fanellën e Mançester Junajtid, duke u shndërruar në një legjendë. Pas një jete të mbushur me abuzime dhe konsumim të lartë alkooli, ai ndërroi jetë në moshën 59-vjeçare, në kushte të vështira financiare, edhe pse ka qenë më i paguari në botë për shumë vite si futbollisit. /tesheshi.com/
